FEATURE

သရဲ အခြောက်ခံရတဲ့ ကျောင်းထိုင်ဆရာတော်

၂၀၁၅ ခုနှစ် ၇ လပိုင်းကျော် ၈ လပိုင်းအတွင်းက မြန်မာနိုင်ငံ အလယ်ပိုင်း ဒေသများအတွင်း စံချိန်တင်ရေကြီးရေလျှံမှုကြီး ဖြစ်ပွားနေစဉ် ကာလအတွင်းမှာ မကွေးတိုင်း ရေစကြို မြို့နယ်အတွင်းရှိ ချင်းတွင်းမြစ် တစ်ဖက်ကမ်းက ရွာလေး တစ်ရွာ မှာ အမှန်တစ်ကယ် ဖြစ်ပွားခဲ့သော ဖြစ်ရပ်မှန် ဇာတ်လမ်းတစ်ပုဒ်ဖြစ်ပါသည်။

“ဟေ့ ရေတွေအရမ်းတက်ပြီကွ ခုရွာသင်္ချိင်းမှာထားထားတဲ့ အလောင်းစင် နဲ့ သေတ္တာ တွေတစ်စစီရေထဲမှာမျောနေပြီ သွားဆယ်ကြရအောင်လာလိုက်ခဲ့ကြ“ ရပ်ရွာအုပ်ချုပ်ရေးမှုးက ရွာကာလသားများကို စုဝေးစေပြီးနောက် ရွာသင်္ချိင်းကုန်း ရှိရာသို့ လာခဲ့ကြသည်။

ထို့နောက် တစ်စီပြန့်ကျဲနေသော လူသေကောင်တင်ရာ အလောင်းစင် နှင့် လူသေကောင်ထည့်သည့် အခေါင်း တို့ကို လိုက်လံသိမ်းစည်းပြီးနောက် ရွာဦးဘုန်းကြီးကျောင်းသို့ သယ်လာခဲ့ကြသည်။

“ဘုန်းဘုန်း ဘုရား တပည့်တော်တို့ ပစ္စည်းတွေ ကျောင်းမှာ ခဏထားချင်ပါတယ်ဘုရား ရွာသင်္ချိင်းက စင်နဲ့ သေတ္တာပါ ဘုရား ရေတွေကြီးလို့ ရေထဲမျောနေလို့ပါဘုရား” ”အေးအေး ဒကာတို့ ခြံထဲမှာထားခဲ့ကြလေ။ ဒါပေမယ့် အဲ့ဒီအခေါင်းကြီး တော့ ပြန်သယ်သွားကြ ဘုန်းကြီးကျောင်းလာကြတဲ့ လူတွေကြောက်နေကြလိမ့်မယ် အလောင်းစင်ကတော့အရှင်ဆိုတော့ ခု တစ်စစီဖြစ်နေတာဆိုတော့ အမှတ်တမဲ့သိမှာမဟုတ်ဘူး” ”တင်ပါ့ဘုရား ဒါဆိုလည်း အခေါင်းကိုတော့ သင်္ချိင်းမှာပဲ ဖြစ်သလိုကြိုး ချည်ထားလိုက်ပါ့မယ် ဒါဆိုတပည့်တော်တို့ ထားခဲ့ပြီဘုရာ”

“အေး အေး ဒကာတို့” ရွာဘုန်းကြီးက ကျောင်းကြီးတစ်ကျောင်းလုံးမှာ တစ်ပါးတည်း ကျောင်းထိုင်သည်။ ညဘက် ကျိန်းတော့လည်း ဗိမ္မာန်ထဲမှာတစ်ပါးတည်းကျိန်းသည်။

ပထမည။ ထိုည ၇ နာရီ ၈ နာရီလောက်ပင်ရှိလိမ့်ဦးမည်။ သော့ခတ်ထားသော သံဘာဂျာ တံခါး ကိုဖောက်၍ အရပ် ရှည်ရှည် အသားမည်းမည်း လူတစ်ယောက်ဝင်လာသည်ကို အိပ်မပျော်သေးသော ဘုန်းဘုန်းမှ မြင်လိုက်ရသည်။ ထိုလူမှ ဘာမပြောညာမပြောနှင့် ဘုန်းကြီးအား အတင်းဝင်လုံးတော့သည်။ ဘုန်းကြီးလည်း ရုန်းရင်းကန်ရင်း နှင့် လုံးထွေး သတ်ပုတ် ပြီးခဏအကြာ ထိုလူပျောက်သွားသည်။

ထိုသို့ဖြစ်ပြီးမကြာမှီအချိန်တွင်းမှာပင် မိန်းမတစ်ယောက်ကတံခါးကို အတင်းတွန်းပြီး ”တံခါးဖွင့်ပေးပါ တံခါးဖွင့် ပေးပါ” ဟုအော်ဟစ်ပြီး သံဘာဂျာတံခါးကိုတွန်းလိုက်ဆွဲလိုက်နှင့် တစ်ဝုန်းဝုန်းနှင့် ဆူညံနေတော့သည်။ သူ့နောက်မှ ခလေးများ ငိုသံကိုလည်း ကြားလိုက်ရပြန်သည်။ ထိုမိန်းမမှပင် ”ဟဲ့ကလေးတွေ တိတ်ကြစမ်း ဘာလို့အင်္ကျီ တွေ ချွတ်နေကြတာတုန်း ခုပြန်ဝတ်စမ်း” မိန်းမ၏ သဏ္ဏန်ကိုသာ မြင်ရပြီး ကလေးများကိုတော့မမြင်ရပေ။ ဘုန်းကြီးလည်း မျက်စိမှိတ်၍ ဘုရားစာ သာ ရွတ်နေလိုက်တော့သည်။ ထိုညတော့ ဘာသံမှထပ်မကြားရတော့ပေ။

ဒုတိယည။ မနေ့ကအချိန်မှာပဲ မိန်းမတစ်ယောက် တံခါးပေါက်သို့ ရောက်လာခဲ့ပြန်သည်။ ”ဘုန်းဘုန်း တံခါးဖွင့်ပါဘုရား တံခါးဖွင့်ပေးပါ” သံတံခါးကို လှုပ်၍ ဖွင့်ခိုင်းပြန်သည်။ မိန်းမလို့ ဆိုပေမယ့် တစ်ကိုယ်လုံးကို မြင်ရသည် မဟုတ်။ ခါးအောက်ပိုင်း ထမီဝတ်ထားသည်ကိုသာ မြင်ရခြင်း ဖြစ်သည်။ ဒီတစ်ခါတော့ ခလေးငိုသံများလည်း မကြားရတော့။ နောက်တစ်ယောက် ဖြစ်မည်ထင်သည်။

ဘုန်းကြီးလည်း မတ်တပ်ထရပ် ၍ထိုတံခါးပေါက်ဆီသို့ေ လျှာက်သွားလိုက်တော့သည်။ ထိုသို့လျှောက်လာသောအခါမှ ထိုမိန်းမက နောက်ပြန်လှည့်၍ ခြံတံခါးဝသို့ ပြန်သွားသည်။ ဘုန်းကြီးလည်း နောက်မှလိုက်သွားကြည့်ရာ တံခါးအပြင်သို့ အရောက် ထိုမိန်းမ နှစ်ခြမ်းကွဲ၍ တစ်ခြမ်းက အရှေ့ဘက်သို့၎င်း၊တစ်ခြမ်းက အနောက်ဘက်သို့ ၎င်း နှစ်ခုကွဲ၍ ထွက်သွား သည်ကိုမြင်လိုက်ရလေတော့သည်။ ထိုအခါမှ ဘုန်းကြီးလည်း ကျောင်းထဲသို့ပြန်ဝင် ခဲ့သည်။

တတိယည။ ဟိုနှစ်ညကထက် နည်းနည်းနောက်ကျသည်။ဘုန်းကြီးအိပ်မပျော့် တစ်ပျော် အချိန် မှာ ဘုန်းကြီးကျိန်းနေရာ ရှေ့တည့်တည့်တွင် ကိုရင်သာမဏေ လေး နှင့်ကျောင်းသားတစ်ယောက် ကျုံ့ကျုံ့လေးထိုင်နေသည်ကို တွေ့လိုက်ရ သည်။ ကျောင်းသားမှာ အသားဖြူဖြူ နှင့် ဂျင်းဘောင်းဘီရှည်ကို ဝတ်ဆင်ထားသည်ကို ထင်ထင်ရှားရှား မြင်ရသည်။ ကိုရင်လေးကိုတော့ကိုရင်သာမဏေလေးတစ်ပါးဟုသာအကြမ်းဖျင်းတွေ့ရသည်။

ဘုန်းကြီးလည်းဒီတစ်ခါတော့ အိပ်လျက်နှင့်ပင် ပဌာန်းကို ”ဟေတုပစ္စရော” ဟုအသံထွက်၍ ရွတ်ဆိုလိုက်ရာ ထိုသူများမှ ”အာရမ္မဏ ပစ္စရော” ဟု ရှေ့မှကျော်၍ ရွတ်ဆိုတော့လေရာ ဘုန်းကြီးမှာ ထိုနေရာမှ ထ၍ ဖုန်းကိုယူကာ ရွာအုပ်ချုပ်ရေးမှုး ကို ဖုန်းဆက်ခေါ်တော့သည်။

“ဒကာ ဒကာခု ကျုပ်ကျောင်းကိုမြန်မြန်လာမှဖြစ်မယ် ခုချက်ချင်လာခဲ့ပါ” ”တင်ပါ့ဘုရား တပည့်တော်တို့ သားအဖလာ ခဲ့ပါ့မယ် ဘုရား ဘာလို့လဲဘုရာ့ ဘာအကြောင်းများရှိလို့လဲဘုရာ့” ”မေးမနေနဲ့ ဒကာ မြန်မြန်သာ ရောက်အောင်လာခဲ့” ”တင်ပါ့ ခုလာပါပြီဘုရာ့” ဖုန်းပြောပြီးလှည့်ကြည့်လိုက်တော့ ဟိုကိုရင် နဲ့ ကျောင်းသားမရှိတော့။

ရွာအုပ်ချုပ်ရေးမှူးမှာ သူ့သားတစ်ယောက်ကို ချက်ချင်းနှိုး၍ ဘုန်းကြီးကျောင်းသို့ အမြန်ဆုံးရောက်ချ လာတော့သည်။ ”ဘုန်းဘုန်း ဘာဖြစ်လို့လဲဘုရာ့ ကျန်းမာရေးမကောင်းလို့လား” ”ကျန်းမာရေးက ဘာမှမဖြစ်ဘူးဟေ့ မင်းတို့လာထားတဲ့ ပစ္စည်းတွေ ခုချက်ချင်း ပြန်သယ်သွားကြတော့” ”ဗျာ ဘာဖြစ်လို့လဲဘုရာ့” ”ဘာဖြစ်ရမလဲ ဒီပစ္စည်းတွေကြောင့် ငါ ကောင်းကောင်း မကျိန်းရတာ သုံးရက်ရှိနေပြီ။ အခု မခံနိုင်တော့တဲ့ အဆုံး မင်းဆီဖုန်းဆက်ရတာပဲ” ”ဟာ ဒါဆိုရင်တော့ တပည့်တော်တို့ နှစ်ယောက်တည်းတော့မဖြစ်ဘူး ရွာထဲကကောင်တွေလှမ်းခေါ်လိုက်ဦးမယ်ဘုရာ့”ရွာထဲမှာကာလသား ၁၀ ယောက် ၁၅ ယောက်လောက်အားဖုန်းဆက်လှမ်းခေါ်ပြီးနောက် ထိုပစ္စည်းများကို သင်္ချိင်းသို့ပြန်သွားပို့ရန် ပြင်ရတော့ သည်။

“ဒကာကြီး မင်းတို့ကောင်တွေတစ်ကောင်မကျန် အကုန်လုံးပြန်ခေါ်သွားကြ “ ”တင်ပါ့ ကဲ ဒီဝင်းထဲကို လိုက်လာကြတဲ့ သူတွေ မင်းတို့အားလုံးကိုယ့်နေရာကိုယ်ပြန်လိုက်ခဲ့ကြ ငါရွာအုပ်ချုပ်ရေးမှုးက ခေါ်နေတယ် တစ်ယောက်မှ မကျန်ခဲ့စေနဲ့” ထိုညတွင်းချင်းပင် ထိုပစ္စည်းများကို သူ့နေရာသူသွားပြန်ထားကြရလေသည်။

ရေကအကုန်လုံး မဟုတ်တောင် သုံပုံနှစ်ပုံလောက် ပြန်ကျသွား၍ တော်သေးတော့သည်။ နောက်နေ့ညမှစ၍ ဘုန်းကြီး ကျောင်းတွင် ဘာသံမှမကြားရတော့ပဲ ယခင်အတိုင်း ငြိမ်းငြိမ်းချမ်းချမ်း အိပ်စက်၍ ရပြီဖြစ်ကြောင်း ဘုန်းဘုန်းမှ မိန့်တော် မူပါသည်။သူတို့တစ်ကယ်ရှိကြပါတယ်တဲ့။

Credit:သရဲခြောက်တဲ့နေရာ

Leave a Comment