ဆယ်လီသတင်း

မေ ၁၀ ရက်တွင် Grade 10 အွန်လိုင်း သင်ရိုးသစ် ပို့ချရန်စာထုတ်၊ ထိရောက်သောသင်ကြားမှုဖြစ်ရန် MTFတိုက်တွန်း

၂၀၂၀-၂၀၂၁ ပညာသင်နှစ် သင်ရိုးသစ်အတန်းများဖြစ်သော Grade 4, Grade 7ကို မေလဆန်းနှင့် Grade 10 အတန်းကို မေလ ၁၅ရက်တွင် Online Training သင်တန်းများပို့ချမည်ဖြစ်ကြောင်း စာထုတ်ထားသည်ဟု မြို့နယ်ပညာရေးမှူးအချို့ကပြောသည်။

Grade 4, Grade 7ကို မေလဆန်းနှင့် Grade 10 အတန်းကို မေလ ၁၅ရက်တွင် Online Training ပို့ချမည်ဖြစ်သဖြင့် ကျောင်းအုပ်ကြီးများနှင့်ဆရာ၊ဆရာမအားလုံး ဆရာကိုင်လမ်းညွှန်စာအုပ်နှင့် လေ့လာသင်ယူ နိုင်ရန် အသိပေးအကြောင်းကြားခြင်းဖြစ်ကြောင်းဧပြီ ၂၉ရက်တွင် စာထုတ်ထားသည်။ သစ်ရိုးသစ်အတန်း ၃ တန်းနှင့်ပတ်သက်ပြီး ဆရာကိုင်စာအုပ်များကို အချိန်မီအခမဲ့ ဖြန့်ဝေပေးမည်ဖြစ်ကြောင်း ပညာရေးမှူးရုံးများက ဖြန့်ဝေသော စာတွင် ဖော်ပြထားသည်။

Online Training သင်တန်းနှင့် ပတ်သက်ပြီးထိရောက်သော သင်ကြားမှုဖြစ်စေချင်သည်ဟု မြန်မာနိုင်ငံလုံးဆိုင် ရာ ဆရာ၊ ဆရာမများအဖွဲ့ချုပ်မှ ဦးအေးမင်းထိုက်က တိုက်တွန်းလိုက်သည်။ဦးအေးမင်းထိုက်သည် သင်ရိုးညွှန်းတမ်းများရေးဆွဲစဉ်က အောက်ခြေအဆင့်တွင်ပါဝင်ခဲ့သူဖြစ်သည်။ COVID 19 ရောဂါကြောင့် အဆိုပါသင်တန်းကို အွန်လိုင်းမှပို့ချရန် ပေါ်ပေါက်ခဲ့ပြီး ပြင်ဆင်ချိန်နည်းပါးသဖြင့် အလုပ်ဖြစ်ရုံ သင်ကြားမည်ကို စိုးရိမ်ကြောင်း ၎င်းကပြောသည်။

“သူရဲ့လုပ်ငန်းစဉ်တွေက များတယ်။ လူတိုင်းဝင် သင်လို့မရဘူး။ တစ်ယောက်ချင်းဆီကို Register လုပ်ပြီး၊Member အဖြစ်လက်ခံ၊ပြီးတော့ ဘယ်လောက်နားလည်သလဲဆိုတာမျိုးကို ပြန်ဆန်းစစ်ဖို့ Assignment တွေလုပ်ခိုင်းရမယ်။ Facebook ကနေပြီး အများသုံးသလို ဗီဒီယိုဖိုင်တင်တာလောက်နဲ့တော့ မရဘူး’’ဟု ဦးမင်းထိုက်ကပြောသည်။

အဝေးသင်ဥပဒေ အွန်လိုင်းသင်တန်းသည် မြန်မာနိုင်ငံတွင် ပထမဆုံးအွန်လိုင်းသင်တန်းဖြစ်ပြီး အောင်မြင်နေသဖြင့် အဆိုပါ စနစ်ကို အသုံးပြုသင့်ကြောင်း ဦးအေးမင်းထိုက်က ကြံပြုသည်။

“သင်ရိုးညွှန်းတမ်း ချိန်းတယ်။ သင်နည်းတွေချိန်းတယ်။ ဗဟိုပြုတဲ့စနစ်တွေ ချိန်းသွားတယ်။သိန်းချီရှိတဲ့ ဒီဆရာ၊ဆရာမတွေကို အွန်လိုင်းကနေ ကိုင်တွယ် သင်ပေးမယ့်သူတွေရဲ့အခန်းကဏ္ဍကလည်း အရေးပါတယ်။ Covid ကြောင့် ထလုပ်လိုက်ရလို့ အွန်လိုင်းသင်တန်းဖြစ်သွားတာ။ တကယ်တော့ ထိရောက်မှုရှိပါမလားဆိုတာ စိုးရိမ်တယ်’’ဟုဦးအေးမင်းထိုက်ကပြောသည်။

အွန်လိုင်းသင်တန်းသင်ကြားမည်ဟုသတင်းများထွက်ပေါ်ခဲ့ပြီး ဝန်ကြီးဌာနက စာအုပ်များအလျင်မီဖြန့်ဝေနိုင်ခြင်း မရှိသဖြင့်တရားမဝင် ဆရာကိုင်သင်ရိုးညွှန်းတမ်း စာအုပ်များ ပျံ့နှံ့နေကြောင်း ဦးအေးမင်းထိုက်က ပြောသည်။

သက်ဇင်စိုး

မြန်မာတိုင်းမ်